Байгалийн ухааны багц нь нарны аймаг, хүний биеийн бүтэц, газар зүй, биологи, фикик, хими гэсэн 6 төрлийн хичээлээс бүрдэх бөгөөд багц дотор доорх зүйлс багтана. Үүнд:
Нарны аймгийн 8 гараг, астеройд, куйпер бүслүүр болон дэлхийн агаар мандлыг нэр томъёотой нь хамт тайлбарласан. Тойрог замд гарагууд хэрхэн эргэлддэг болохыг үзэх боломжтой бөгөөд одон орон судлалд үнэтэй хувь нэмэр оруулсан эрдэмтэн болох Галилео Галилей 3 хэмжээст дүрслэлээр гарч ирэн өөрийнхөө нээлтүүдийг танилцуулна.
Нар болон 8 гарагуудыг тус бүрд нь дэлгэрэнгүй задалж харуулна. Сурагчид гарагуудыг томруулж, жижигрүүлэх, эргүүлж, тойруулах зэргээр харах боломжтой. Тараах материалын ард хэсэгт гарагуудын тухай сонирхолтой мэдээллүүдийг оруулсан.
Сурагчдад хичээлийг сонирхолтой байлгах үүднээс MR технологиор баяжуулсан портал бүтээв. Сурагчид MR технологиор дамжуулан сарны гадаргуу дээр зочилж, саран дээр очсон мэт мэдрэмжийг авч, дэлхий гарагаа харангаа сансрын нисгэгчийг удирдан явуулж, саран дээрх барилга байгууламжуудтай танилцан, од эрхсийг ажиглах боломжтой.
Хүний биеийн бүтцийг нарийн задаргаатай нь тайлбарлаж харуулна. Самбар руу камераа чиглүүлэхэд хүний биеийн 12 эрхтэн тогтолцоог 3 хэмжээст дүрслэлээр үзүүлнэ.
Тархи, зүрх, уушги, нүд, цус, судас зэрэг хүний биеийн амин чухал эд, эрхтнүүдийг нарийн задаргаатай нь хамт тайлбарлаж харуулна. Тараах материалын ард хэсэгт эрхтнүүдийн тухай мэдээллийг оруулсан.
MR технологийн тусламжтайгаар анги танхимдаа хүний биеийн эрхтэн тогтолцоонуудыг дэргэд нь байгаа мэтээр харах боломжийг олгож байна.
Дэлхийн газрын зураг болон газар зүйн байршлууд, газар зүйн нэр томъёонуудыг нэгтгэн тайлбарлана. Газар зүйн бүсүүд болон нар, сар хиртэлтийг 3 хэмжээст дүрслэлээр үзүүлнэ.
Галт уул, туйлын туяа зэрэг байгалийн үзэгдлүүдийг хэрхэн явагддаг болохыг 3 хэмжээст дүрслэлээр харуулна. Тараах материалын ард хэсэгт газар зүйн үзэгдлүүдийн тухай дэлгэрэнгүй тайлбарласан.
MR технологиор дамжуулан газар зүйн бүсүүдийг анги танхимдаа харьцуулан үзэх боломжтой.
Эко систем, идэш тэжээлийн холбоо, бичил биетнүүд ба Чарльз Дарвины хувьслын онолын тухай мэдлэг олгоно. Мөн амьд орчинд ургамлын үзүүлдэг хамгийн чухал үүрэг болох фотосинтезийн үйл явцыг зураглан харуулсан.
Сээр нуруутан ба сээр нуруугүйтэн амьтдын төлөөллүүдийг 3 хэмжээст дүрслэлээр харуулсан бөгөөд фотосинтез хэрхэн явагддаг болохыг сонирхолтойгоор тайлбарлан үзүүлнэ.
Анги танхимдаа арслан, матар, буга зэрэг амьтдыг дэргэд нь байгаа мэтээр үзэж сонирхоно.
Физикийн хичээлийн суурь ойлголтууд болох атом, энерги, хүч, дулаан, соронзон, дууны долгион, цахилгаан, инерц, гэрэл, пуужин зэргийг багтаасан бөгөөд физикийн шинжлэх ухааны голлох эрдэмтэн Исаак Ньютоныг 3 хэмжээст дүрслэлээр харуулж онолыг нь тайлбарлана.
Физикийн шинжлэх ухааны салбарт гол нөлөө үзүүлсэн эрдэмтдийн нээлтүүдийг бидний сайн мэдэх зүйлсээр дамжуулан тайлбарласан. Жишээ нь: Цахилгаанаар дамжуулан бид Никола Теслагийн хувьсах гүйдлийн тухай хялбар бөгөөд сонирхолтой байдлаар хичээлээ явуулах боломжийг бүрдүүлж байна.
Бодисын төрөл, үелэх систем болон бодисоос атом хүртэлх химийн задаргаануудыг тайлбарлан харуулсан. Самбар руу камераа чиглүүлснээр үелэх системийг зохион бүтээсэн эрдэмтэн Дмитрий Менделеев 3 хэмжээст дүрслэлээр гарч ирж сурагчдад өөрийнхөө нээлтүүдийг танилцуулна.
Атом, молекул, ионы холбоо, талст оронт тор, глюкози, стерео изомер, ковалентын холбоо, бодисын төлөв зэргийг 3D анимейшнээр харуулна. Тараах материалын ард хэсэгт дэлгэрэнгүй тайлбарласан.
Сурагчдын шинжлэх ухааны сонирхлыг нэмэгдүүлэх үүднээс химийн лабораторид зочлох портал бүтээсэн.
AR сургалтын хэрэглэгдэхүүн ашиглаж хичээл заасан нэг ангийн хүүхдүүдийн 50% нь сургалтын үзүүлэлт өссөн бөгөөд дараах гол үр дүнгүүд гарсан.
AR технологиор дамжуулан мэдлэг олж авах нь сурагчдад олон төрлийн мэдрэмжийг төрүүлж, сургалтын чанарыг 4 дахин нэмэгдүүлдэг.
Сурагчдын мэдлэг олж авах үйл явц зөвхөн уншиж, бичиж, сонсохоор хязгаарлагдахгүй харж, туршиж
мөн ажиглах боломжтой болно.
Хүүхдийн сонирхол болон мэдээлэл авах орцод нийцсэн учир сурагчдад хичээлийг бие даан судлах
хүсэл тэмүүлэл бий болгож, бүтээлч сэтгэхүйг нь хөгжүүлнэ.
Сурагч бүр хичээлдээ оролцох дур сонирхолтой болж, идэвх оролцоо нэмэгдэнэ. Мөн сурагчдын
хичээлд анхаарах хугацаа уртассанаар анхаарал төвлөрөлд сайнаар нөлөөлнө.
Интернэтгүй орчинд ч ажиллах боломжтой тул хаана байхаас үл хамааран сурагч нэг бүрд дэлхийн
дэвшилтэт технологийн тусламжтай мэдлэг олгоно.
Бодитоор харуулах боломжгүй ШУ-ы туршилтуудыг технологийн тусламжтайгаар туршиж тайлбарлах
боломжтой. Хор хөнөөлтэй, овор хэмжээтэй ямар ч том зүйлийг танхимд бодит дүрсээр нь
харуулна.
Нэг дүрсэд олон агуулгыг багтаасан нь багшийн ажлыг хөнгөвчилнө. Нөгөө талаар сурагчдад олон
талын мэдлэг олгон, чадваржуулах ач холбогдолтой.
Сургалтын хэрэглэгдэхүүний дутагдлыг хямд зардлаар нөхнө. Байнгын хөгжүүлэлт хийгдэх тул
сургууль хичээлийн хэрэглэгдэхүүний зардлаа хэмнэж, хүүхдүүдэд сурах таатай орчин нөхцөл
бүрдэнэ.
Багшийн заах арга зүй, мэдлэгийн түвшин нэмэгдэнэ. Багш болон сурагчид ухаалаг төхөөрөмж,
дэвшилтэт технологид суралцана.
